Հետազոտություններ հղիության ընթացքում. tsnndatun.am

Հղիության ընթացքում հնարավոր շեղումների  վաղ հայտնաբերման, հնարավոր բարդությունների կանխարգելման  և բուժման նպատակով  անհրաժեշտ է կատարել ընթացիկ հետազոտություններ։

Ցածր ռիսկի   խմբի հղիների հսկողության ընթացքում կատարվում են հետևյալ  լաբորատոր-գործիքային ախտորոշիչ հետազոտությունները՝

• Արյան ընդհանուր քննություն 3 անգամ՝ թրոմբոցիտների և մակարդելիության ժամանակի որոշումով
• Մեզի ընդհանուր հետազոտություն 3 անգամ
• Արյան բիոքիմիական հետազոտություն 2 անգամ
• Ռեզուս գործոնի պատկանելիության և արյան խմբի որոշում, ռեզուս գործոնի բացասական պատկանելիության դեպքում հակառեզուսային հակամարմինների տիտրի որոշում
• Միկրոպրեպիցիտացիայի կամ Վասերմանի ռեակցիա 2 անգամ
• Հեշտոցի մաքրության աստիճանի և քսուքի բակտերիոսկոպիկ հետազոտություն
• Նեղ մասնագետների կոնսուլտացիաներ և գործիքային հետազոտություններ՝ ըստ ցուցումների (էլեկտրոկարդիոգրաֆիա, էխոկարդիոգրաֆիա և այլն)։
• Գերձայնային հետազոտություն  11-14 շաբաթական ժամկետում կամ ըստ առաջին այցի, հղիության 18-22 և 32-34 շաբաթական ժամկետներում

Բարձր ռիսկի   խմբի հղիների հսկողության ընթացքում, ըստ բժշկական ցուցումների, կատարվում են հետևյալ  լաբորատոր-գործիքային ախտորոշիչ հետազոտությունները՝

• Արյան ընդհանուր քննություն
• Մեզի ցանքս
• Արյան բիոքիմիական հետազոտություն
• Գլյուկոզա տոլերանտության պերօռալ թեստ
• Անտիռեզուսային հակամարմինների տիտրի որոշում
• Հեշտոցի պարունակության բակտերիոլոգիական հետազոտություն
• Պերինատալ  ինֆեկցիաներ
• Նեղ մասնագետների կոնսուլտացիաներ և գործիքային հետազոտություններ ըստ ցուցումների, ինչպիսիք են օրինակ էլեկտրոկարդիոգրաֆիան, էխոկարդիոգրաֆիան և այլն
• Պտղի բիոքիմիական հետազոտություն՝ ըստ ցուցումների
• Դոպլերոֆլյուսոմետրիա
• Այլ դժվարամատչելի հետազոտություններ՝ ըստ բժշկական ցուցումների։

Հարցեր, պատասխաններ, մեկնաբանություններ